Meşə fondu torpaqlarında 112 mindən çox ağac əkildi
Son bir həftə ərzində aparılan meşəbərpa tədbirləri zamanı 79,7 hektar meşə fondu torpağında 112 828 müxtəlif növ ağac əkilib, 4186 kiloqram toxum səpilib.
Ekologiya.az xəbər verir ki, bu barədə Ekologiya və Təbii Sərvətlər Nazirliyinin (ETSN) sosial şəbəkə hesabında məlumat verilib.
Qeyd edilib ki, Regional Meşə Təsərrüfatı Mərkəzlərinin əməkdaşları tərəfindən ölkənin bütün regionlarının meşə fondu torpaqlarında meşəbərpa tədbirləri davam edir.
Hər bölgənin iqlim şəraitinə uyğun Meşə Təsərrüfatı Mərkəzlərinin tinglik sahələrində yetişdirilən müxtəlif növ ağaclar əkilir, toxumlar səpilir.