Karantin rejimi ilə bağlı bilinməyən məqam – Yeni səbəb ortaya çıxdı
“Bundan sonra maska taxmaq və ya distant təhsilə keçid kimi tədbirlərin tətbiq olunacağına inanmıram. Bu qərarın səbəbi koronavirus deyil, dünyada baş verən müharibələrdir. Əgər sərhədlər açıq olsaydı, bir çox qaçqınlar ölkəmizə gələcəkdi. Fikrimcə, sərhədlərin bağlı qalması ən doğru qərardır. Təhlükəsizlik hər şeydən öndədir”.
“Onlar müxtəlif suallar səsləndirirlər. Əgər pandemiya yoxdursa, nə üçün karantin rejimi tamamilə ləğv olunmur? Niyə quru sərhədlər bağlı qalır? Prezident İlham Əliyev postpandemiya dövründə dəfələrlə bu qərarın əsas səbəbinin təhlükəsizlik məsələləri olduğunu bəyan edib. Xüsusilə quru sərhədlərin bağlı qalmasının Azərbaycanı bir çox bəlalardan qoruduğunu vurğulayıb. Bu mövzuya fərqli yanaşanlar, alternativ arqumentlər gətirənlər artıq susublar. Çünki İsrail və İran arasında baş verən müharibə və onun fəsadları göstərdi ki, təhlükə realdır. Radiaktiv sızmalar, qaçqın axını və digər problemlər yarana bilərdi. Məsələn, hazırda Tehrandan olan insanların böyük qismi Türkiyə istiqamətində hərəkət edir. Azərbaycan isə bu problemdən kənardır”.
“Bu baxımdan karantin rejimi maska taxılması və digər qoruyucu tədbirlər üçün hüquqi baza yaradır. Amma əsas səbəb məhz təhlükəsizlikdir”.