Ucarda yabanı halda bitən çətənə bitkiləri məhv edilib

Ucar Rayon Polis Şöbəsinin əməkdaşlarının “Xaş-xaş-2025” şərti adı altında həyata keçirdikləri kompleks əməliyyat-axtarış və profilaktik tədbirlər çərçivəsində rayonun Məlikballı kəndi ərazisində yabanı halda bitən narkotik tərkibli bitkilər aşkar edilib.

Bu barədə Ekologiya.az-a Daxili İşlər Nazirliyinin (DİN) mətbuat xidmətindən məlumat daxil olub.

Bildirilib ki, ümumi çəkisi 500 kiloqrama yaxın olan 511 ədəd çətənə bitkisi yandırılaraq məhv edilib.