Dağlıq və dağətəyi rayonların avtomobil yollarında görmə məsafəsi məhdudlaşacaq

Dumanlı hava şəraiti ilə əlaqədar olaraq bəzi avtomobil magistral yollarında görmə məsafəsi məhdudlaşacaq.

Bu barədə Ekologiya.az-a Ekologiya və Təbii Sərvətlər Nazirliyinin Milli Hidrometeorologiya Xidmətindən məlumat verilib.

Bildirilib ki, fevralın 12-də əsasən gecə və səhər saatlarında dağlıq və dağətəyi rayonlarda dumanlı hava şəraiti ilə əlaqədar olaraq avtomobil magistral yollarında görmə məsafəsinin 500-1000 metrədək məhdudlaşacağı ehtimalı var.