EKOLOGİYA

7 ölkə üçün dəşhətli fəlakət: Hazırlıqlar başladı - Azərbaycan və Türkiyə güclü radiasiya riski altında?

13-07-2025, 14:00

Ekologiya

AMP

Bir müddətdir qlobal demonlar Ukraynadakı atom elektrik stansiyalarından birinin partladılacağı haqda məlumatlar yayır. Xüsusilə Zaporojye AES-lə bağlı ehtimal olunan risk ciddi narahatlıq doğurur. Bildirilir ki, dünyanın ən böyük nüvə obyektlərindən birində baş verə biləcək hər hansı qəza Çernobıl və Fukusimadan dəfələrlə güclü radiasiya sızması ilə nəticələnə bilər. Rusiya və Ukrayna ilə yanaşı, Belarus, Bolqarıstan, Moldova, Polşa və Rumıniyanın da təhlükə qarşısında olduğu qeyd olunur.

Mütəxəssislərin fikrincə, əgər küləklər cənuba yönəlsə, Türkiyə, Gürcüstan, Ermənistan, Azərbaycan da zərərli təsirlərə məruz qala bilər. İddialara görə, artıq ABŞ və Avropa peykləri əraziyə nəzarəti gücləndirib. Qlobal güclərin bu ssenarilərlə hansı məqsədləri güddüyü, nüvə faciəsinin real olub-olmadığı isə suallar doğurur.

Zaporojye AES-lə bağlı yayılan xəbərdarlıqlar nə dərəcədə realdır? Belə bir ssenarinin baş verməsi regionda hansı fəsadlara yol açar?

Ekologiya.az xəbər verir ki, globalinfo.az-a danışan təhlükəsizlik məsələləri üzrə ekspert Orxan Musayev deyib ki, Zaporoji AES-dəki mümkün qəza faciəvi nəticələrə səbəb ola bilər:

“Xüsusilə partlayış və radiasiya sızması baş verərsə, bu, yalnız Ukrayna üçün deyil, regionda da faciələrə gətirib çıxarar. Partlayışın ən ciddi fəsadlarından biri radiasiyanın yayılmasıdır. Reaktorlar və ya istifadə olunmuş yanacaq anbarları zədələnərsə, ətraf mühitə radiasiya sızması baş verə bilər. Bu cür hadisələr Çernobıl və Fukusima kimi faciələrlə müqayisə oluna biləcək böyük ekoloji fəlakətlərə yol açar”.

Ekspert bildirib ki, radiasiyanın torpağa və su hövzələrinə sızması uzunmüddətli ekoloji problemlərin yaranması deməkdir:

“Bunun qarşısını almaq üçün əhali maarifləndirilməlidir. Fövqəladə hallara hazırlıq planlarının həyata keçirilməsi həyati əhəmiyyət kəsb edir. Mümkün təhlükələrin qarşısının alınması üçün vaxtında və düzgün addım atmaq vacibdir”.

Tam mətni oxu →