EKOLOGİYA

ADU-da iqlim dəyişmələrinə adaptasiya və karbon izinin hesablanması mövzusunda maarifləndirici tədbir keçirilib

16-04-2026, 17:43

Ekologiya

AMP

Azərbaycan Dillər Universitetində iqlim dəyişmələrinə adaptasiya və karbon izinin hesablanması mövzusunda maarifləndirici tədbir keçirilib.

Azərbaycan Dillər Universitetində Dayanıqlı İnkişaf Məqsədləri çərçivəsində gənclərin ekoloji maarifləndirilməsi və iqlim savadlılığının artırılması məqsədilə “İqlim dəyişmələrinə qarşı adaptasiya və karbon izinin hesablanması” mövzusunda dəyirmi masa təşkil olunub.

Tədbirdə Milli Hidrometeorologiya Xidmətinin əməkdaşları tərəfindən iqlim dəyişmələrinin qlobal və regional təsirləri, bu dəyişikliklərə uyğunlaşma (adaptasiya) mexanizmlərinin elmi-praktiki əsasları, eləcə də karbon izinin azaldılmasının əhəmiyyəti barədə ətraflı məlumat verilib.