• Ünvan : Nəsimi rayonu Ali Mustafayev 30/40. "City Mall" 3 cü mərtəbə
  • Əlaqə : (+99455) 270 92 95
  • TR
  • Təmiz enerji texnologiyaları dünyada karbon qazı tullantılarının artım sürətini azaldıb

    05

    mar

    Təmiz enerji texnologiyaları dünyada karbon qazı tullantılarının artım sürətini azaldıb

    Enerjiyə tələbatın artmasına baxmayaraq, təmiz enerji texnologiyaları dünyaya ötən il mədən yanacağından istifadənin artmasının qarşısını almağa kömək edib.

    Trend xəbər verir ki, bu barədə Beynəlxalq Enerji Agentliyi (BEA) məlumat yayıb.

    Bildirilib ki, əgər təmiz enerji texnologiyaları olmasaydı, o halda qlobal karbon qazı tullantıları son beş ildə üç dəfə çox olardı.

    2023-cü ildə qlobal karbon qazı tullantılarının yenə də rekord həddə çatmasına baxmayaraq, yeni təhlil göstərib ki, ekoloji təmiz mənbələrin artması energetika ilə bağlı tullantıların “struktur ləngiməsi”nə gətirib çıxarıb.

    Hətta enerjiyə tələbatın artmasına baxmayaraq, günəş, külək və nüvə enerjisindən geniş istifadə dünyaya ötən il mədən yanacağı asılılığını daha çox azaltmağa kömək edib.

    2023-cü ildə hər beş yeni avtomobilin payına düşəcək elektromobillər neftə tələbatın pandemiyayaqədərki səviyyəni üstələməməsində öz rolunu oynayıb.

    Dərc olunan illik icmalda göstərilir ki, 2023-cü ildə enerji ilə bağlı tullantılar 2022-ci ildəki kimi sürətlə artmayıb. Bu, ondan xəbər verir ki, tezliklə dünya karbon qazı tullantılarının pik nöqtəsini görə biləcək, çünki təmiz enerji texnologiyalarından istifadə sürətlənir.

    Stimullaşdırıcı tədbirlər sayəsində Azərbaycanda da elektrik mühərrikli avtomobillərin idxalında əhəmiyyətli artım müşahidə edilir. Belə ki, 2023-cü ildə ölkəmizə 2021-ci illə müqayisədə 19 dəfə çox elektromobil idxal olunub.

    Tarix : 5-03-2024, 18:47 | Oxunub: 141