Masallıda “Yaşıl dünya üçün hüquqi yeniliklər” adlı seminar keçirilib
Paylaş:
Tam mətni oxu →
EKOLOGİYA
Masallı rayonunda “Yaşıl dünya üçün hüquqi yeniliklər” adlı seminar baş tutub."Report"un Cənub bürosunun məlumatına görə, Masallı rayon Prokurorluğunun inzibati binasında təşkil olunan “Yaşıl dünya üçün hüquqi yeniliklər” adlı seminarda media orqanları və qeyri-hökumət təşkilatlarının nümayəndələri iştirak edib.Masallı rayon prokuroru Vəli Mustafayev rayon prokurorluğunun fəaliyyəti, cinayətkarlığa qarşı aparılan mübarizə tədbirləri, habelə insan hüquq və azadlıqlarının müdafiəsi naminə görülən işlər barədə danışıb.V.Mustafayev çıxışında prokurorluq orqanlarının digər dövlət qurumları ilə birgə ətraf mühitin mühafizəsi və ekoloji tarazlığın bərpa edilməsi istiqamətində gördüyü kompleks işlər barədə məlumat verib, yaşıl dünya naminə beynəlxalq əməkdaşlığın əhəmiyyətindən bəhs edib.Baş Prokurorluğun Mətbuat xidmətinin böyük prokuroru Kənan Zeynalov çıxış zamanı yaşıl dünya üçün hüquqi tənzimləmələrdən bəhs edərək təbii resurslar və bioloji çeşidliliyin qorunması, tullantıların idarə olunması, enerji effektliliyi və alternativ enerji istehsalı, zərərli kimyəvi maddələrin idarə edilməsi kimi sahələrdə formalaşmış hüquqi strukturlar, normativ əsaslar və hüquqi məsuliyyət tədbirləri barədə məlumat verib.Seminar zamanı iştirakçılarla faydalı fikir mübadiləsi aparılıb, prokurorluq orqanlarının fəaliyyəti ilə bağlı onları maraqlandıran suallar cavablandırılıb.