Rumıniyalı nazir: Bizim üçün yaşıl dəhliz layihəsi milli təhlükəsizlik məsələsidir

Yaşıl dəhliz layihəsinin reallaşdırılması Rumıniya üçün milli təhlükəsizlik məsələsi olduğunu vurğulayıb.

AZƏRTAC xəbər verir ki, bunu Rumıniyanın energetika naziri Sebastian-İoan Burduja “Azərbaycan Respublikası, Gürcüstan, Rumıniya və Macarıstan Hökumətləri arasında yaşıl enerjinin inkişafı və ötürülməsi sahəsində strateji tərəfdaşlıq haqqında Saziş”in icrası məqsədilə dörd ölkə nazirlərinin Buxarestdə keçirilən 8-ci iclasında bildirib.

Rumıniyalı nazir enerji diversifikasiyanın zəruriliyindən danışaraq, Avropanın Şərq hissəsinin enerji istehlakı üçün ödədiyi vəsaitin yüksək olduğunu bildirib. Nazir bunu enerji şaxələndirməsinin olmaması ilə əlaqələndirib.

S.Burduja onu da qeyd edib ki, bu layihə enerji trilemmasına cəsarətli cavabdır.