Payız əkin mövsümünün növbəti ağacəkmə aksiyası keçirilib

30-10-2025, 13:42

Ekologiya

AMP

“Konstitusiya və Suverenlik İli” çərçivəsində Ekologiya və Təbii Sərvətlər Nazirliyinin təşkilatçılığı, "Rabitəbank" ASC-nin əməkdaşlarının və ekokönüllülərin iştirakı ilə ağacəkmə aksiyası keçirilib.

Aksiya çərçivəsində Müşfiqabad qəsəbəsində Abşeron yarımadasının torpaq-iqlim şəraitinə uyğun Eldar şamı və zeytun ağacları əkilib.

Ağacəkmə aksiyasının məqsədi ictimaiyyətin diqqətini yaşıllıqların bərpasına və artırılmasına yönəltmək, ətraf mühitin mühafizəsinə və iqlim dəyişikliyi ilə mübarizəyə töhfə verməkdir.

Qeyd etmək lazımdır ki, Ekologiya və Təbii Sərvətlər Nazirliyi tərəfindən həyata keçirilən ağacəkmə aksiyaları 2026-cı ildə Bakıda keçiriləcək Ümumdünya Ətraf Mühit Günü və Ümumdünya Şəhərsalma Forumu (WUF13) ərəfəsində ölkəmizdə ekoloji təşəbbüslərin təşviqi, ətraf mühitin qorunması sahəsində ictimai fəallığın artırılması və yaşıllaşdırma tədbirlərinin davamlılığının təmin edilməsinə xidmət edir.

Tam mətni oxu →