Daha bir ağacəkmə kampaniyası Quba, Qusar, Şabran, Siyəzən, İsmayıllıda keçirilib

Ekologiya.az xəbər verir ki, Zəfər Günündə Quba, Qusar, Şabran, Siyəzən, İsmayıllıda da ağacəkmə aksiyaları keçirilib

Zəfər gününün üçüncü ildönümü ilə əlaqədar Quba, Qusar, Şabran, Siyəzən, İsmayıllı rayonlarında Ekologiya və Təbii Sərvətlər Nazirliyinin regional qurumlarının əməkdaşlarının və hərbçilərin iştirakı ilə ağacəkmə tədbirləri keçirilib.

Ölkəmizin müstəqilliyi və ərazi bütövlüyü uğrunda canlarını qurban vermiş şəhidlərin xatirəsini əbədiləşdirmək məqsədilə sözügedən rayonlarda 11 minə yaxın qovaq, göyrüş, ağcaqayın, tut, Eldar şamı ağacı əkilib.