MEŞƏ

Bu rayonlarda yaşıllıqların məhv edilməsi faktı aşkarlandı - DETX onları inzibati məsuliyyətə cəlb etdi

10-03-2026, 15:46

Ekologiya

AMP

Dövlət Ekoloji Təhlükəsizlik Xidmətinin əməkdaşları tərəfindən həyata keçirilən nəzarət tədbirləri zamanı Göyçay, Samux, Goranboy və Zərdab rayonlarının inzibati ərazisində yaşıllıqların məhv edilməsi faktı aşkar olunub.

Ekologiya.az bildirir ki, araşdırma zamanı Göyçay şəhəri Vidadi Xəlilov küçəsində Göyçay şəhər sakini Mahir Həsənov tərəfindən 2 ədəd, Göyçay rayonu Potu kəndinin ərazisində yerləşən “Palma” kafesinin qarşısında həmin kənd sakini Ziyad Həsənli tərəfindən 1 ədəd, Samux rayonu Salahlı kəndinin ərazisində həmin kənd sakini Mustafa Mustafayev tərəfindən 3 ədəd, Goranboy rayonu Balakürd kəndinin ərazisində “Aypara-İnşaat” MMC tərəfindən 3 ədəd və Kür çayının Zərdab rayonu Pərvanlı kəndinin ərazisindən keçən hissəsində həmin kənd sakini İlqar Mollayev tərəfindən 1 ədəd ağacın kəsildiyi müəyyən edilib.

Faktlarla bağlı Aypara-İnşaat” MMC barəsində hüquqi şəxs qismində, adıçəkilən şəxslər barəsində isə fiziki şəxs qismində protokol tərtib olunub və inzibati məsuliyyətə cəlb ediliblər.