Alagöz dağında alpinistin cəsədi tapıldı

Ermənistanda xilasedicilər Alagöz (Araqats-M.) dağında yoxa çıxan alpinistin cəsədini aşkar ediblər.

Ekologiya.az bu barədə erməni mediasına istinadən bildirir. Daha əvvəl xəbər verildiyi kimi, alpinist bir gün əvvəl qar uçqunu altında qalan qrupun tərkibində olub.

Axtarış işlərində xilasetmə xidmətinin əməkdaşları və Ermənistan Alpinizm və Dağ Turizmi Federasiyasının alpinistləri iştirak ediblər. İşə “Ermənistan Helikopterləri” şirkətinin helikopteri cəlb olunub. Bəzi məlumatlara görə, ölən əcnəbidir.