XƏBƏRLƏR

Metro və avtobuslarda ödənişlər belə olacaq - VACİB AÇIQLAMA

16-12-2025, 17:56

Ekologiya

AMP

Gələcəkdə metro və avtobuslarda vahid, güzəştli tarif sisteminin tətbiqi mərhələli şəkildə həyata keçirilə bilər. Bəs, gələcəkdə metro və avtobuslarda vahid, güzəştli tarif sisteminin tətbiqi planlaşdırılırmı?

Mövzu ilə bağlı konkret.az-a açıqlama verən nəqliyyat məsələləri üzrə ekspert Rauf Ağamirzəyev bildirib ki, yanvarın 1-dən etibarən ictimai nəqliyyatda brutto müqavilələrə keçid prosesi başlayacaq. Onun sözlərinə görə, bu sistem daşıyıcıların maliyyə dayanıqlığını təmin və dövlət tərəfindən subsidiyalaşdırmanı özündə ehtiva edir.

“Brutto sistemə mərhələli keçid tamamlandıqca vahid bilet və güzəştli tarif paketlərinin formalaşması mümkün olacaq. Belə ki, gələcəkdə sərnişinlər üçün günlük, aylıq və illik biletlərin tətbiqi nəzərdə tutula bilər ki, bu da müxtəlif sosial güzəştləri əhatə edəcək”.

https://konkret.az/cloud/uploads/2025/12/image_2025-12-16_163533127-378x252.png 378w, https://konkret.az/cloud/uploads/2025/12/image_2025-12-16_163533127-768x513.png 768w" alt="" width="944" height="630">

Rauf Ağamirzəyevin sözlərinə görə, yeni sistem çərçivəsində tranzit vaxtı anlayışı da tətbiq oluna bilər.

“Bu zaman sərnişinlər 60 və ya 90 dəqiqə ərzində bir nəqliyyat növündən digərinə əlavə ödəniş etmədən keçid edə biləcəklər. Xüsusilə uzaq ərazilərdən gələn vətəndaşlar bir dəfə ödəniş etməklə bir neçə nəqliyyat növündən istifadə imkanı qazanacaqlar”.

Ekspert vurğulayıb ki, bütün bu yeniliklər mərhələli şəkildə həyata keçiriləcək və daşıyıcıların sistemə inteqrasiyasından asılı olaraq tətbiq olunacaq.

Tam mətni oxu →