TDT ölkələrinin ekologiya nazirləri Astanada RES 2026 çərçivəsində görüşəcəklər

Astanada Regional Ekoloji Sammit (RES 2026) çərçivəsində Türk Dövlətləri Təşkilatına (TDT) üzv ölkələrin ekologiya və iqlim məsələləri üzrə nazirlərinin ikinci görüşü keçiriləcək.

Ekologiya.az xəbər verir ki, qapalı iclas əsas ekoloji siyasət məsələlərinin, iqlim dəyişikliyinə uyğunlaşmanın və təbii resurslardan səmərəli istifadənin müzakirəsi üçün üzv və müşahidəçi ölkələrin nümayəndələrini bir araya gətirəcək.

Görüşdə regional əməkdaşlığın gücləndirilməsi, təcrübə mübadiləsi və ortaq həllərin hazırlanması diqqət mərkəzində olacaq.

Qeyd edək ki, Regional Ekoloji Sammit aprelin 22-dən 24-dək keçiriləcək.