Dövlət Ekoloji Təhlükəsizlik Xidməti “İnvest.M Construction MMC”nin yaşayış binaları inşa etdiyi ərazidə ağac kəsilməsi faktı aşkarladı
Dövlət Ekoloji Təhlükəsizlik Xidməti tərəfindən aparılan nəzarət tədbirləri zamanı Nəsimi rayonu Mirəsədulla Mirqasımov, Xan Şuşinski, İmran Qasımov və Mustafabəy Topçubaşov küçələrinin kəsişməsində “İnvest.M Construction MMC”nin çoxmərtəbəli yaşayış binaları inşa etdiyi ərazidə ağac kəsilməsi faktı aşkar edilib.
Ekologiya.az bildirir ki, araşdırma zamanı “İnvest.M Construction MMC” tərəfindən aparılan tikinti işləri nəticəsində sözügedən ərazidə köküstə yaş, bioloji inkişafda olan müxtəlif cinsli 6 ağacın qanunsuz kəsildiyi müəyyən olunub.