Nazir müavini: Azad edilmiş ərazilərdə 10 çay üzərində 11 avtomat hidroloji stansiya qurulub

İşğaldan azad edilmiş ərazilərdə yerüstü su ehtiyatlarının qiymətləndirilməsi məqsədilə 10 çay üzərində 11 avtomat hidroloji stansiya qurulub.

Ekologiya.az xəbər verir ki, bunu ekologiya və təbii sərvətlər nazirinin müavini Vüqar Kərimov ekoloji məsələlər üzrə işçi qrupun Ağdamda keçirilən iclasında deyib.

Nazir müavini bildirib ki, bu ərazilərdə həmçinin hidrometeoroloji vəziyyətin öyrənilməsi məqsədilə 5 avtomat meteoroloji, 4 radioekoloji stansiya və 2 aqrometeoroloji stansiya quraşdırılaraq isifadəyə verilib.