XƏBƏRLƏR
Tətil günlərində insanlar milli parklara üz tutublar
Tətil günlərində insanlar təbiətlə baş-başa qalmaq, təmiz hava almaq və dincəlmək üçün milli parklara üz tutublar.
Milli parklar həm yerli sakinlər, həm də xarici turistlər üçün maraqlı ekoturizm imkanları və füsunkar təbiət mənzərələri təqdim edir.
Milli parklara olan marağın daha da artırılması məqsədilə Şahdağ Milli parkının İsmayıllı bölməsinin Buynuz marşrutunda yerli sakinlərin əl işlərindən ibarət sərgi təşkil olunub. Parkı ziyarət edən turistlər həm əl işləri ilə tanış olub, həm də parkın ekoturizm potensialı və bu ərazidə həyata keçirilən reintroduksiya layihələri barədə məlumatlandırılıblar.
