Yer kürəsində maqnit qasırğası kritik həddə – Nələr baş verə bilər?

Yer kürəsində davam edən maqnit qasırğasının gücü “çox güclü” kimi təsnif edilən G4 səviyyəsinə yüksəlib.

Ekologiya.az xəbər verir ki, bu barədə Rusiyanın Tətbiqi Geofizika İnstitutu məlumat yayıb.

Bildirilib ki, Yer kürəsinin radiorabitənin ciddi şəkildə pozulması, peyk və radiotezlik naviqasiyasının saatlarla kəsilməsi ilə üzləşə biləcəyini göstərir. Bundan əlavə, hətta tropik qurşaqlarda da qütb parıltısı qeydə alına bilər.

Yerin maqnit sahəsində pozulma dərəcəsi beş göstərici şkalasında G5 “son dərəcə güclü”, G1 isə “zəif”dir.