Güclü zəlzələdə ölənlərin sayı 126-a çatdı - YENİLƏNİB

Tibet bölgəsində baş verən zəlzələ nəticəsində ölənlərin sayı ən azı 126 nəfərə çatıb.

Ekologiya.az xəbər verir ki, bu barədə "Sinxua" məlumat yayıb.

Zəlzələ nəticəsində yaralananların sayı isə 188 nəfərə çatıb.

***

12:20

Tibet bölgəsində baş verən zəlzələ nəticəsində ölənlərin sayı 95 nəfərə çatıb.

Ekologiya.az xəbər verir ki, bu barədə Çinin dövlət mediası məlumat yayıb.

Zəlzələ nəticəsində 130 nəfər xəsarət alıb.

***

11:05

Tibetdə baş verən 7.1 bal gücündə zəlzələdən sonra 49 afterşok qeydə alınıb.

Ekologiya.az xəbər verir ki, bu barədə Çin Seysmoloji Mərkəzi məlumat yayıb.

Mütəxəssislərin fikrincə, afterşoklardan 33-ünün maqnitudası 3-dən aşağı, 16-sının maqnitudası 3-dən yüksək olub.

Zəlzələ nəticəsində ölənlərin sayı 53-ə çatıb. Bildirilib ki, təbii fəlakət nəticəsində 62 nəfər xəsarət alıb.

***

08:23

Çinin cənub-qərbində, Nepalla sərhədə yaxın Tibet Muxtar Bölgəsində gücündə zəlzələ qeydə alınıb.

 Ekologiya.az xəbər verir ki, bu barədə ABŞ Geoloji Xidməti məlumat yayıb.

 Məlumata görə, zəlzələ 7.1 bal gücündə olub.

Yeraltı təkanların episentri 80 min nəfərə yaxın əhalisi olan Şiqatse şəhərindən 163 km cənub-qərbdə, ocağı isə 10 km dərinlikdə yerləşir.

"Sinxua" agentliyinin məlumatına görə, zəlzələ nəticəsində 32 nəfər həyatını itirib, 38 nəfər yaralanıb.