Rusiya Prezidentinin xüsusi nümayəndəsi COP28-in yekun sənədini kompromis adlandırıb

BMT-nin İqlim Dəyişikliyi üzrə Çərçivə Konvensiyasının Tərəflər Konfransının 28-ci sessiyasının (COP28) yekun sənədinə daxil edilmiş mətn kompromis xarakterlidir.

Ekologiya.az xəbər verir ki, bunu TASS-ın müxbiri ilə söhbətində Rusiya Prezidentinin iqlim məsələləri üzrə xüsusi nümayəndəsi Ruslan Edelgeriyev deyib.

“Nəticə sənəd enerji sistemlərini qalıq yanacaqlardan uzaqlaşdırmaq və ən əsası ədalətli, nizamlı şəkildə qlobal səylərə töhfə verməyə çağırır. Yekun ifadə çətin ki, hər kəsə uyğun gəlsin, lakin bu, yalnız əldə olunmuş razılaşmaların kompromis xarakterini təsdiqləyir”, - o bildirib.