Ekologiya.az-ın xəbərinə görə, 1 saylı Regional Meşə Təsərrüfatı Mərkəzi və “Lenkeran Hotel and Resort Company MMC”-nin rəhbərliyi və əməkdaşlarının iştirakı ilə Ümummilli lider Heydər Əliyevin 100 illik yubileyinə həsr olunmuş ağacəkmə aksiyası keçirilib.

Aksiya zamanı yerli iqlim şəraitinə uyğun 800-dən artıq palıd tingi əkilib və 35 kiloqram palıd toxumu səpilib.

Aksiyanın keçirilməsində məqsəd Ulu Öndər Heydər Əliyevin əziz xatirəsini yad etmək, ağac əkilməsini və yaşıllıqların çoxaldılmasını təşviq edərək cəmiyyətdə ekoloji mədəniyyəti və təbiətə qayğı ənənələrini formalaşdırmaqdır.