Günəş ilin əvvəlindən ən güclü plazma buludunu yaydı

Çərşənbə axşamı gecə Günəşdə bu ilin ən böyük plazma buludu yayılıb.

Ekologiya.az xəbər verir ki, bu barədə Rusiya Elmlər Akademiyası Kosmik Tədqiqatlar İnstitutunun Günəş Astronomiyası Laboratoriyası və Günəş-Yer Fizikası İnstitutu məlumat yayıb.

"Bu gecə Günəşdə ilin ən güclü plazma emissiyası qeydə alınıb", - deyə məlumatda bildirilir.

Alimlərin fikrincə, emissiyanın mənbəyi ilkin olaraq iki gün əvvəl güclü partlayışın baş verdiyi aktiv bölgədir - bu halda partlayışın mənbəyi Günəşin əks tərəfində yerləşir və Yerə təsir edə bilməz.

"Günəşin Yerə baxan tərəfində yerləşən aktiv bölgələr daha 1.5 gün ərzində Yer üçün təhlükə zonasında qalacaq", - laboratoriyadan bildirilib.