XƏBƏRLƏR
Xəzər dənizində köməksiz vəziyyətdə qalan Neftçala rayon sakinləri xilas edilib
Dövlət Sərhəd Xidməti Sahil Mühafizəsinin sahil nəzarəti bölməsinə mühərrikində yaranmış problemlə əlaqədar 2 nəfər heyət üzvünün köməksiz vəziyyətdə qalması barədə məlumat daxil olmuşdur.
Keçirilmiş təxirəsalınmaz tədbirlər nəticəsində dənizdə köməksiz vəziyyətdə qalan Neftçala rayon sakinləri – 1977-ci il təvəllüdlü Rzayev Faiq Nadir oğlu və 1989-cu il təvəllüdlü Məhərrəmov Rauf Museyib oğlu sərhədçilər tərəfindən xilas edilərək təhlükəsiz şəraitdə sahilə çıxarılmışdır.