Əməkhaqqı ilə bağlı DƏYİŞİKLİK - Milli Məclisdən QƏRAR

Diplomatların əməkhaqlarının ödənilməsi qaydası dəyişir.

Ekologiya.az xəbər verir ki, bu, Milli Məclisin bu gün keçirilən növbədənkənar plenar iclasında müzakirəyə çıxarılan “Diplomatik xidmət haqqında” Qanuna təklif olunan dəyişiklikdə öz əksini tapıb.

Layihəyə əsasən, müvafiq icra hakimiyyəti orqanının müəyyən etdiyi orqanda (qurumda) xidmət keçən diplomatik xidmət əməkdaşlarının dövlət məvacibinə aşağıdakılar daxildir

: - aylıq vəzifə maaşı;

- diplomatik rütbəyə görə əlavə haqq;

- təmsilçiliyə görə əlavə haqq; - xidmət üçün zəruri olan hallarda aylıq iş vaxtı norması 5 (beş) saatdan çox artırılanda işlədiyi hər saata görə ödənilən əlavə haqq;

- əmək qanunvericiliyinə əsasən əmək şəraiti ilə diplomatik xidmət əməkdaşlarına şamil edilən əlavələr (xidmət şəraitinin ağır və zərərliliyinə, iqlim şəraitinə və s.).

Qanun layihəsi səsverməyə çıxarılaraq üçüncü oxunuşda qəbul edilib.