Milli Hidrometeorologiya Xidmətində Mingəçevir Dövlət Universitetinin nümayəndə heyəti ilə görüş keçirilib.
Görüş zamanı hidrometeorologiya və iqlim dəyişmələri sahəsində əməkdaşlığın genişləndirilməsi, innovativ yanaşmaların tətbiqi, yüksəkixtisaslı mütəxəssislərin hazırlanması, tələbələrin istehsalat təcrübəsinin təşkili, eləcə də birgə elmi-tədqiqat layihələri, seminarlar və digər elmi-praktiki tədbirlərin həyata keçirilməsi istiqamətində əməkdaşlıq imkanları müzakirə olunub.
Müzakirələrin yekununda tərəflər arasında qeyd olunan istiqamətlər üzrə əməkdaşlığın inkişafını nəzərdə tutan Anlaşma Memorandumu imzalanıb.
