DETX-nin məlumatı: Qanunsuz balıq ovlayan şəxslər saxlanıldı
Dövlət Ekoloji Təhlükəsizlik Xidmətinin əməkdaşları tərəfindən keçirilən növbəti nəzarət tədbirləri zamanı Xəzər dənizinin Siyəzən rayonunun inzibati ərazisindəki akvatoriyasında və Kür çayının Neftçala rayonundan keçən hissəsində qanunsuz balıq ovlayan şəxslər saxlanılıb.
Ekologiya.az bildirir ki, araşdırma zamanı həmin şəxslərin Neftçala rayonu Mayak-1 kənd sakini Məmməd Məmmədov, Siyəzən rayonu Balaca Həmyə kənd sakinləri Vüsal Mayılov, Nəsrəddin Musayev və Sərdar Sərdarov olduğu müəyyən edilib. Onlardan müxtəlif ov alətləri aşkar edilərək götürülüb.