Gündəlik həyatımızda istifadə etdiyimiz saysız resursların — tikinti materiallarından tutmuş elektronika və bərpa olunan enerji texnologiyalarında lazım olan nadir metallaradək — hamısı geomüxtəlifliyin bizə bəxş etdiyi sərvətlərdəndir. O, həm də Yer kürəsinin keçmişi haqqında dəyərli elmi məlumatları qoruyur və bizi gələcək iqlim çağırışlarına hazırlamaqda mühüm rol oynayır.

Lakin bu zənginliyin istismarı — xüsusilə də fosil yanacaqların (neft, qaz, kömür və s.) çıxarılması və işlənməsi dünyada istixana qazı emissiyalarının yarıdan çoxuna səbəb olur.  Təmiz və davamlı enerji mənbələrinə keçid (günəş, külək, su, geotermal), fosil yanacaqlardan asılılığın azaldılması, faydalı qazıntıların daha ekoloji və sosial cəhətdən məsuliyyətli çıxarılması, işlənmiş ərazilərin bərpası və ekosistemlərin qorunması geomüxtəlifliyin qorunmasının təminatıdır.Ekologiya.az