Mikayıl Cabbarov: "Ölkənin xarici borcu azalma tendensiyasındadır və ehtiyatları artır"

Möhtərəm Prezidentimiz İlham Əliyev tərəfindən uzun illər ərzində uğurla həyata keçirilən siyasət nəticəsində Azərbaycanın möhkəm makroiqtisadi və makrofiskal dayanıqlılığı təmin edilib.

Bu sözləri iqtisadiyyat naziri Mikayıl Cabbarov müsahibəsində söyləyib.

“Bəli, bizim valyuta və qızıl ehtiyatlarımız bu gün ölkənin ümumi daxili məhsulunu üstələyən həcmdədir. Son illərin dinamikası onu göstərir ki, bütün xarici şoklara, böhranlara baxmayaraq, ölkənin xarici borcu azalma tendensiyasındadır və ehtiyatları artır. Bu, bizim ümumi mənzərəmizdir”, - deyə nazir əlavə edib.