Nazir müavini: Ölkədə Eldar şamı və zeytun ağaclarında xəstəliklərin miqyasının genişlənməsi müşahidə edilir

Son dövrlər iqlim dəyişmələri nəticəsində havaların isti və quraq keçməsi, qışda şaxtasız günlərin çox olması zərərvericilərin, həşəratların çoxalması və ağacların, bitkilərin zəhərlənməsi ilə nəticələnir.

Ekologiya.az xəbər verir ki, bunu ekologiya və təbii sərvətlər nazirinin müavini Rauf Hacıyev “Yaşıl Dünya Naminə Bitki Sağlmlığı” Forumunda çıxışı zamanı deyib.

Nazir müavininin sözlərinə görə, hazırda ölkə ərazisində bir sıra bitki növlərində, o cümlədən Eldar şamı və zeytun ağaclarında xəstəliklərin yaranması və miqyasının genişlənməsi müşahidə edilir. Bu da öz növbəsində bitki sağlamlığı istiqamətində görülən tədbirlərin zərurətini artırır.