Türkiyədə zəlzələ oldu

Türkiyənin Kahramanmaraş bölgəsində bu axşam saat 22:08-də 4 bal gücündə yeraltı təkan baş verib.

Ekologiya.az xəbər verir ki, zəlzələnin episentri yerin təxminən 7 kilometr dərinliyində yerləşib.

İlkin məlumatlara əsasən, dağıntı və xəsarət alan yoxdur.

Hadisə yerində vəziyyət nəzarət altındadır. Rəsmi qurumlar seysmik aktivliyin davam edə biləcəyini istisna etməyərək, vətəndaşlara ehtiyatlı olmağı tövsiyə ediblər.

Qeyd edək ki, Kahramanmaraş son illər Türkiyədə baş verən ən güclü zəlzələlərin episentrlərindən biri kimi tanınır.