Türkiyədə iki güclü zəlzələ, ölkə YENİDƏN SİLKƏLƏDİ

Türkiyənin Malatya şəhərinin Battalqazi rayonunda 5,2 bal gücündə zəlzələ baş verib.

Ekologiya.az "TRT Haber"ə istinadla xəbər verir ki, təkanlar yerli vaxtla 17:46 radələrində qeydə alınıb.

AFAD-ın yaydığı məlumata görə, zəlzələ ocağı yerin 6,99 kilometr dərinliyində qeydə alınıb.

Birinci təkandan 3 dəqiqə sonra, saat 17:49 radələrində episentri Battalqazi rayonu olan 4,7 bal gücündə daha bir zəlzələ olub.

Sözügedən iki zəlzələdən sonra bölgədə daha 16 yeraltı təkan baş verib.

Dağıntı və itkilərlə bağlı məlumat verilməyib.