Ekologiya.az bildirir ki, Abşeron və Ağgöl Milli Parklarında tanıtım guşələri təşkil olunub, parkı ziyarət edən turistlərə günün əhəmiyyəti və xüsusi mühafizə olunan təbiət əraziləri barədə məlumatlar verilib.

Eyni zamanda, Sənaye və Texnologiyalar üzrə Gəncə Dövlət Peşə Təhsil Mərkəzində "Ətraf mühitə insanların münasibəti" başlıqlı maarifləndirici konfrans keçirilib. Konfransda 10 saylı Regional Ekologiya və Təbii Sərvətlər İdarəsinin, Göygöl Milli Parkının mütəxəssisləri iştirak edərək iştirakçılara ətraf mühitin mühafizəsi, milli parklar, qoruqlar, yasaqlıqlar barədə ətraflı məlumatlar veriblər.