Güclü külək Cəlilabad və Biləsuvarın bəzi ərazilərini işıqsız qoyub

Cəlilabad və Biləsuvar rayonları ərazisində güclü küləyin əsdiyi bildirilib.

Bu barədə “Report”un yerli bürosuna rayon sakinləri məlumat verib.

Onların sözlərinə görə, artıq 1 saatdan çoxdur ki, güclü külək əsməyə başlayıb. Qəfil başlayan külək səbəbindən hər iki rayonun bəzi hissələrində elektrik enerjisinin verilməsi dayandırılıb.

Hazırda bölgədə küləkli hava şəraiti davam edir.