Ucarda 918 ədəd müxtəlif növ pirotexniki vasitə aşkarlanaraq götürülüb - DİN

Polis əməkdaşları əhalinin istirahətinə maneə yaradan partlayıcı, tezalışan maddələrin, yüksək səsyayıcı qabiliyyətə malik pirotexniki vasitələrin satışının qarşısının alınması istiqamətində respublika ərazisində nəzarət-profilaktik tədbirləri davam etdirirlər.

Daxili İşlər Nazirliyinin (DİN) mətbuat xidmətinin Şirvan regional qrupundan Ekologiya.az-a verilən məlumata görə, dekabrın 25-də Baş İctimai Təhlükəsizlik İdarəsi əməkdaşlarının Ucar şəhəri ərazisində keçirdikləri tədbir zamanı yüksək səsyayıcı qabiliyyətə malik pirotexniki vasitələrin satışını təşkil edən 2 fiziki şəxs müəyyənləşdirilib və oradan 918 ədəd müxtəlif növ pirotexniki vasitə aşkarlanaraq götürülüb.

Həmin şəxslər barəsində inzibati tənbeh tədbiri tətbiq olunub.