Genişmiqyaslı maqnit qasırğası - XƏBƏRDARLIQ EDİLDİ

Yer kürəsində genişmiqyaslı maqnit qasırğası qeydə alınıb.

Ekologiya.az xəbər verir ki, onun səviyyəsi G4.7-yə çatıb (maksimum göstərici G5-dir) və bu, mütəxəssislərin proqnozlaşdırdığından xeyli yüksəkdir.

Gecə saatlarında üç plazma tullantısından birincisinin və ən zəifinin Yerə çatacağı gözlənilirdi ki, bu da cüzı maqnit dalğalanmalarına səbəb olmalı idi.

Maqnit qasırğalarının təxminən iki sutkadan bir qədər çox davam edəcəyi bildirilir: yaxın vaxtlarda Yerə ardıcıl şəkildə üç plazma axını yaxınlaşacaq və onların gücü hesabatlara görə tədricən artacaq.

Sonuncu tullantı isə ilin ən güclü günəş parıltısı olacaq və X5.15 göstəricisinə çatacaq.