Xaçmazda Yaşıl Dünya Naminə Həmrəylik İli çərçivəsində ağacəkmə aksiyası keçirilib.

Xaçmaz Rayon İcra Hakimiyyətinin təşkilatçılığı ilə Xudat-Nabran yolunun kənarında təşkil olunan aksiyada Rayon İcra Hakimiyyətinin başçısı Elnur Rzayev, rayon prokuroru Rəşad Məmmədov, idarə, müəssisə və təşkilatlar, ərazi icra nümayəndəlikləri, bələdiyyələr və ictimaiyyət nümayəndələri iştirak ediblər.

Aksiyanın keçirilməsində məqsəd ekoloji vəziyyətin sağlamlaşdırılması, cəmiyyətdə təbiətə qayğını təbliğ etmək, yaşıllıqların çoxaldılmasını təşviq edərək, ətraf mühitin qorunmasına töhfə verməkdən ibarətdir.

Ekoloji aksiya zamanı Xudat-Nabran yolunun kənarına 700 ədəd şam ağacı əkilib. Basdırılan ağacların suvarılması təmin edilib, ərazidə təmizlik və abadlıq işləri aparılıb.

Qeyd edək ki, il ərzində rayon ərazisinin yaşıllaşdırılması, yaşıllıqlara qulluq və abadlıq tədbirlərinin davam etdirilməsi nəzərdə tutulur.