Bu tədbirə dəvətə görə Azərbaycan hökumətinə təşəkkür edirəm.
Trend xəbər verir ki, bunu mayın 7-si “Azərbaycanın 4-cü Könüllü Milli Hesabatına dair maraqlı tərəflərlə məsləhətləşmələr və 5-ci DİM üzrə irəliləyiş” mövzusunda keçirilən 4-cü DİM Dialoqunda çıxış edən Laos Xarici İşlər Nazirliyinin Beynəlxalq Tkilatlar Departamentinin Baş direktoru Daovy Vongxay deyib.
Onun sözlərinə görə, Azərbaycan tərəfindən Dayanıqlı İnkişaf Məqsədlərinin icrasına yüksək diqqət yetirilir.
“COP29-un Bakıda keçirilməsi də Azərbaycanın DİM-ə sadiqliyinin göstəricisidir.
Biz eşitdik ki, Azərbaycanın təklifi ondan ibarətdir ki, minalardan təmizlənmə BMT-nin Dayanıqlı İnişaf Məsələlərinin 18-ci müddəası olsun. Biz Azərbaycanın bu təklifini dəstəkləyirik. Hazırda mina problemi dünyada ciddi problemlərdən biridir”, - deyib.
Qeyd edək ki, Bakıda “Azərbaycanın 4-cü Könüllü Milli Hesabatına dair maraqlı tərəflərlə məsləhətləşmələr və 5-ci Dayanıqlı İnkişaf Məqsədləri (DİM) üzrə irəliləyiş” mövzusunda 4-cü DİM Dialoqu keçirilir.