Mingəçevir su anbarında batmış vətəndaşların axtarışları davam etdirilir - VİDEO

Mingəçevir su anbarında batdıqları ehtimal olunan vətəndaşların axtarışları davam etdirilir. 

Ekologiya.az xəbər verir ki, bu haqda Fövqəladə Hallar Nazirliyi məlumat yayıb.

“Fevralın 19-da Mingəçevir su anbarının Samux rayonunun Qaraağaclı kəndi ərazisinə düşən hissəsində batdıqları ehtimal olunan 1999-cu il təvəllüdlü İsmayılov Müşviq Rəhim oğlu və 2003-cü il təvəllüdlü Şubliyev İsmayıl Xaliq oğlunun axtarışları Fövqəladə Hallar Nazirliyi tərəfindən davam etdirilir.

Hazırda müşahidə edilən kəskin və əlverişsiz hava şəraitinə baxmayaraq FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin qüvvələri tərəfindən vətəndaşların axtarışları batdıqları ehtimal olunan istiqamətlər üzrə fasiləsiz olaraq həyata keçirilir”, - məlumatda qeyd olunub.

Ətraflı Videoda: