Bu gündən başlayar yerə təsir edəcək maqnit qasırğaları ilə bağlı təqvim açıqlandı

İyul ayında Yerə təsir edəcək maqnit qasırğalarının təqvimi açıqlanıb.

Ekologiya.az xəbər verir ki, mütəxəssislərin verdiyi məlumata görə, bu ay ərzində bir neçə fərqli tarixdə maqnit aktivliyinin artması gözlənilir ki, bu da bəzi insanlarda narahatlıq, yuxusuzluq, baş ağrısı və gərginlik kimi əlamətlərə səbəb ola bilər.

Maqnit qasırğaları əsasən Günəş partlayışları və tac kütlə atılması nəticəsində yaranan plazma buludlarının Yerə çatması ilə baş verir. Bu hadisələr planetimizin maqnit sahəsində dəyişikliklərə səbəb olur.

Ekologiya.az iyul ayında maqnit qasırğalarının ən güclü olacağı tarixləri təqdim edir:

7 iyul – Orta səviyyəli maqnit qasırğası gözlənilir. Həssas insanlar üçün yüngül narahatlıqlar yarada bilər.

13-14 iyul – Artan maqnit aktivliyi müşahidə olunacaq. Bu günlərdə yuxu pozğunluğu və diqqət dağınıqlığı mümkündür.

20 iyul – Güclü maqnit qasırğası ehtimal olunur. Xüsusilə ürək-damar sistemi zəif olan şəxslər üçün ehtiyatlı olmaq tövsiyə edilir.

26 iyul – Zəif, lakin qeyri-stabil maqnit sahəsi dəyişiklikləri baş verə bilər.

Həkimlər və meteohəssaslıqla bağlı mütəxəssislər xəbərdarlıq edirlər ki, maqnit qasırğaları zamanı çoxlu su içmək, stresdən uzaq durmaq, yüngül fiziki fəaliyyət və düzgün qidalanma əhəmiyyətlidir.

Maqnit qasırğalarının təsiri təkcə sağlamlığa deyil, texnoloji sistemlərə də ola bilər. Bu tarixlərdə rabitə sistemlərində qısa fasilələr, peyk və naviqasiya sistemlərində sapmalar mümkündür.

Əhalinin bu tarixlərdə daha diqqətli olması və öz səhhətinə xüsusi qayğı göstərməsi tövsiyə olunur.

Musavat.com