Güclü duman Biləsuvar və Cəlilabadda nəqliyyatın hərəkətini çətinləşdirib

Biləsuvar və Cəlilabad rayonlarda dumanlı hava şəraiti nəqliyyatın hərəkətini çətinləşdirib.

Ekologiya.az-ın məlumatına görə, duman axşam saatlarından etibarən Biləsuvar və Cəlilabad rayonu ərazisində müşahidə edilir.

Görmə məsafəsi xeyli azaldığından nəqliyyat vasitələri aşağı sürətlə hərəkət edir.

Qeyd edək ki, dumanlı hava şəraiti həmçinin köhnə Ələt-Astara avtomobil yolunun sözügedən rayonlardan keçən hissəsində də müşahidə olunur.