2 fevral – Ümumdünya Su-Bataqlıq Əraziləri Günü ilə əlaqədar milli parklarda “Açıq qapı” günü təşkil olunacaq
Bataqlıq ərazilərinin əhəmiyyəti və biomüxtəlifliyin qorunmasında oynadığı mühüm rol barədə ictimai məlumatlılığın artırılması məqsədilə hər il 2 fevral tarixi dünyada Ümumdünya Su-Bataqlıq Əraziləri Günü kimi qeyd olunur. Su-bataqlıq əraziləri biomüxtəlifliyin qorunması, iqlim dəyişmələrinin təsirlərinin azaldılması və uyğunlaşma proseslərinin dəstəklənməsi, şirin su ehtiyatlarının təmin olunması, eləcə də qlobal və yerli iqtisadiyyata verdiyi töhfələr baxımından olduqca mühüm ekosistemlər hesab olunur.