Kerç boğazında dəhşətli fırtına - Üç gəmi TOQQUŞDU

Kerç boğazında fırtına zamanı üç gəmi toqquşub.

Bu barədə RİA Novosti məlumat verib.

Məlumata görə , “Matros Şevçenko”, “Sailor Pozınıç” və “Kavkaz-5” gəmiləri toqquşub.

Məlum olub ki, “Matros Şevçenko” Kavkaz limanından dənizə çıxmaq istəsə də, ona nəzarət etmək demək olar ki, mümkün olmayıb. Güclü külək səbəbindən gəmi “Sailor Pozynich”lə toqquşub. Bundan sonra hər iki gəmi zərbədən yayınmaq üçün hələ də sürət qazana bilməyən “Kavkaz-5” motor gəmisi ilə toqquşub.

Hadisə nəticəsində xəsarət alan olmayıb.