Ekologiya.az bildirir ki, araşdırma zamanı Ağsu rayonu Göydəllikli kəndinin inzibati ərazisində “North West” şirkəti tərəfindən 2 ədəd,  Cəbrayıl rayonu Yuxarı Mərcanlı kəndinin inzibati ərazisində “Modern View” şirkəti tərəfindən 8 ədəd və Abşeron rayonunun inzibati ərazisində “Park Xırdalan” MMC tərəfindən 4 ədəd ağacın kəsildiyi müəyyən edilib.

Faktlarla bağlı müvafiq olaraq adıçəkilən şirkətlərin iş icraçıları Həbib Yolçuyev, Zabil İsmayılov və MMC-nin iş icraçısı Vüqar Abasov barəsində vəzifəli şəxs qismində protokol tərtib olunub və qanunamüvafiq tədbirlər görülüb.