“Azəryaşlandşaft” auditor seçir

Ekologiya və Təbii Sərvətlər Nazirliyinin “Azərbaycan Yaşıllaşdırma və Landşaft Quruluşu” ASC (“Azəryaşlandşaft” ASC) 2024-cü il üzrə maliyyə hesabatlarının auditi üçün kotirovka sorğusu elan edib.

“Report” xəbər verir ki, kotirovkada iştirak haqqı 16 manat təşkil edir.

Sorğuda iştirak etmək istəyənlər təkliflərini fevralın 17-si, saat 11:00-a qədər cəmiyyətin yerləşdiyi Bakı şəhəri, Nobel prospekti, 61 ünvanına təqdim edə bilərlər.

Təkliflərə eyni gündə, saat 11:00-da qeyd olunan ünvanda baxılacaq.

Xatırladaq ki, “Azəryaşlandşaft”ın 2023-cü il üzrə maliyyə hesabatlarının beynəlxalq standartlara uyğun auditi ilə bağlı elan etdiyi kotirovka sorğusunun qalibi "Professional Financial Experts" MMC olub. Bu xidmətlərə görə şirkətə 2,788 min manat ödəniləcək.