Astarada avtomobil elektrik dirəyinə çırpılıb, ölən və yaralanan var

Astarada ağır yol qəzası baş verib.

“Report”un cənub bürosunun məlumatına görə, hadisə Astara şəhərinin Heydər Əliyev prospektində baş verib.

Belə ki, “VAZ-2107” markalı minik avtomobili idarəetmədən çıxaraq yol kənarındakı elektrik dirəyinə çırpılıb.

Qəza nəticəsində sürücü, 1998-ci il təvəllüdlü Əlizadə Tural aldığı xəsarətlərdən hadisə yerində ölüb.

Avtomobildə olan sərnişin, Əsgərzadə Mehdi müxtəlif dərəcəli bədən xəsarətləri ilə Astara Rayon Mərkəzi xəstəxanasına çatdırılıb.

Faktla bağlı araşdırma aparılır.